June 17, 2024

Hriam cawknak caah CDF-Asho nih bawmhnak an herh

0

The Chinland Post | 2023 February 15 — Hramhram in uknak lak caan kum 2 a tlin lai te ah CDMers pawl fonh in dirh mi Chin Defense Force – Asho cu January 21 ah raltuk cawnnak a dih mi pawl in an dirh tiah theih a si.

An dirh hnu ni 5 a rauh ah Magway ramṭhen, Ngaphe peng, Gohgyi khua ah a um mi palek sakhaan an kah colh i hriam an chiahnak zong bom lung 2 in an puah tiah theih a si.

Cun February 3 ah Rakhine ram lei in Ngaphe khua lei ah a rak kai mi SAC ralkap mawṭaw 16 cu An-Padan lam cung ah CDF-Asho nih bom an puah hnawh hna.

“Kahdohnak tuah tik ah tangka tampi a herh. Kan theih mi hna bawmhnak in kahdohnak kan tuah khawh ko nain kahdohnak tuah ṭhan duh tikah tangka a herh. Phu zong dirh ka te a si caah zei phu hmanh he pehtlaihnak kan ngei rih lo. Mipi bawmhnak zong a tlawm tuk rih” tiah CDF-Asho S.B.C nih a chim.

CDF-Asho raltuk cawnnak a voihnihnak zong February 9 ah tamtling tein an tuah khawh tiah theih a si.

Asho Chin miphun pawl hrambunh a si mi Asho Chin Defense Force (ACDF) le Chin Defense Force – Asho tiah phu 2 a um. ACDF cu 2021 November 26 ah an rak dirh cang tiah theih a si.

About The Author

Na ruahning rak langhter ve.. (Leave a comment)