Mingyan Khua chuahnak Ah SAC Ralkap An Kah Hna, Ralbawi Telh In 6 An Thi
The Chinland Post | 2024 March 14 — Mandalay ramṭhen, Myingyan khua chuahnak, Mingyan-Taungtha lam ah SAC ralkap pawl nih an rak i cit mi mawṭaw 1 an kah hna i SAC ralkap 6 an thi, hriam le kuanzen pawl an lak khawh tiah No. 815 PLA nih thawng an thanh.
March 11 zinglei sml 11:00am ah an kah hna hi a si i a thi mi ralkap 6 chung ah Lieutenant pakhat aa tel tiah an thanh.
“Thawngpang kan theih caah lampi in kan bawh hna, kahdohnak hi mins 10 hrawng a rau i mawṭaw aa cit mi ralkap an 6 ning in kan fim hna. A thi mi chung ah Lieutenant pakhat aa tel” tiah kahdohnak chung ah aa tel mi hriamtlai 1 nih Mizzima ah a chim.
Kahdohnak gi No. 815 PLA, PLA (Ye Khaung Guerrilla phu), Myingyan 35 le BGF hna hna bawm in an tuah mi a si.
Kahdohnak a chuah hnu ah SAC ralkap 100 hrawng cu phu 2 ṭhen in Myingyan khua chuahnak lei ah an kal i khuate 5 an khangh tiah khuami hna nih Mizzima ah an chim.
About The Author
