July 25, 2024

SAC Hriamngan Ruang Ah Latpanchaung Khuami 2 An Thi

0

The Chinland Post | 2024 March 15 — Sagaing ramṭhen, Kalaymyo chaklei, Latpanchaung khua chung ah SAC ralkap kah mi hriamngan a tla i a puah caah khuami 2 an thi tiah thawng theih a si.

March 14 zaan sml 9:00pm hrawng ah Kalay hrambunh SAC ralkap nih an kah mi hriamngan cu Latpanchaung khua chung ah voi 3 a tla i hmun 2 ah a puak, khuami 2 a hmun ah an thi colh i hngakchia telh in a tlawm bik minung 5 leng an i hliam tiah theih a si.

Hriamngan ruang ah a thi mi minung 2 hna hi Pi Lalzuali (kum 62) le Tv. Lalramdika (kum 41) hna an si.

An pahnih hi Latpanchaung ni chuahlei um Khirhfa upa inn an len lio ah an umnak inn hmai ah bom a tlak caah an lu ah hriamngan ci nih a khen hna i an thih hi a si tiah Khonumthung Burmese nih a chim.

Latpanchaung khua hi Kalaymyo in meng 10 aa hlatnak ah a um i Chin miphun pawl khua an saknak khua ngan pakhat a si. Ahlan ah SAC hriamngan ruang ah Latpanchaung khuami atu le atu an thi pah lengmang cang.

About The Author

Na ruahning rak langhter ve.. (Leave a comment)