Shwepankung Palek Sakhan In Police officer Le Palek Bawi 2 Telh In 16 An Tlaih Hna Tiah NUG Nih An Chim
The Chinlandpost | November 28, 2023 — Sagaing ramṭhen, Watlet peng Shwepankung khua palek sakhan kahdohnak ah SAC ralkap 3 an thi, palek sakhan hmu-Police officer le palek bawi 2 telh in 16 tlaih an si tiah NUG Ministry of Defence lei in thawng theih a si.
Kan hnu November 21 zing 2:15am in zing 3:40am ah Shwepankung palek sakhan cu No. 1 ralkap, No.2 Shwebo kuttang um No. 1/2/3/5 battalion, Mandalay pengkomh No. 4 battalion le Watlet peng-Bakaphah ṭangṭi phu nih an kah hna. Mah kahnak ah SAC ralkap 3 an thi, Palek sakhaan hmu-Officer Nay Aung Kyaw le Palek bawi 2 telh in 16 cu an nunbu in tlaih an si tiah NUG Ministry of Defence nih November 28 ni ah thawngthanhnak an tuah.
Kahdohnak ah SAC lei hriamnan BA-94 zuun 3, MA-13 zuun 3, BA-63 zuun 16, zuun 3 aa rawk, BA-64- zuun 1, 79 kutcheh lochia zuun 1, 12 volt zuun 2, 38 volt zuun 1, 38 volt pistol 4, 7.62-G3 kuan 5587, 9MM kuan 700, 380 kuan 6, Kuan 9 zuun 89, 38 kuan rapper zuun 6, 38 volt kuan 18, kutcheh bom thei 12, hmeh-bom 6, Senyaungchi kutchehbom 20, G3 kuan bawm 28, MA-13/BA-94 kuan bawm 10, meithel hmai fei um 11, Nante 2, Kutkhih 7, Icon phungtling 15, Jammer 1, 4 Scope 1, Ciinset 2, phone 12, tangka 908,000, Motor cycle 9 cu sakhan ah an lak.
Kahdohnak ah Mipi ralkap lei 1 a thi I, 15 hliam an tuar ve tiah theih a si.
Palek sakhan kahdohnak ah Tadaoo in Jet fighter nih bom a thlak, North-Western command nih Mi 35 nih Didaw khua ah a vun kah bawmh hna tiah No. 1 ralkap command NUG nih an chim.
Photo/ Shwepankung palek sakhan kahnak ah sakhan hmu telh in mi 16 le hriamnam he thlakmi
About The Author
