Taingen Sakhaan Lak Kahdohnak Chung In Aa Hliam Mi Hriamtlai Tampi Bawmhnak An Herh, Hriamtlai 40 Leng An I Hliam

0

The Chinland Post | 2024 January 25 — Chin ramkulh, Tedim peng, Taingen sakhaan lak kahdohnak chung in aa hliam mi hriamtlai tampi caah sii lei bawmhnak an herh tuk tiah CDM-Siyin nih an thanh.

January thla lai hrawng ah ni 5 chung a rau mi Taingen sakhaan lak kahdohnak chung in mipi hriamtlai lei minung 40 deng an i hliam i CDF-Siyin chungtel tampi an i tel tiah CDF CDM-Siyin Commander In Chief nih a chim.

“Kan hriamtlai 2 an orhlei khuk in aa tan. Bomrap an i lamh sual. Ke deu cawk piak an hau. Atu zong himnak hmun sizung ah an i thlop. Cun Headquarters zong ah minung 3 an tang rih. Aa hliam mi lawngte an si” tiah CDF-CDM Siyin Commander In Chief nih Khonumthung Burmese ah a chim.

CDF CDM-Siyin in hriamtlai 2 cu bomrap ruang ah an orhlei khuk tang in aa tan caah ke deu an herh hi a si tiah theih a si.

Himnak hmun pakhat ah adang hriamtlai 3 zong an i thlop lio i cu chung ah Battalion Commander pakhat a ke 2 in kuan nih a khen caah khatlei cu a ruh a keh i Steel rawn in Operation tuah a hau tiah theih a si.

CDF CDM-Siyin Headquarters ah aa thlop lio mi, a hliam fak taktak mi hriamtlai 3 zong bawmhnak an herh tiah theih a si.

CDF CDM-Siyin Commander In Chief he khual a tlawngṭi mi hriamtlai 1 zong bom ci 4/5 hrawng a kut ah a tan caah lakhruak in bawmhnak an herh ko tiah theih a si.

Cheukhat hriamtlai aa hliam mi pawl cu thla 2, thla 4 a rauh hnu ah thlop ṭhan a herh mi zong an um tiah theih a si.

January 12 zaanlei sml 5:00pm ah CNA, CDF-Siyin, CDF-KKG, CDF-Thantlang, CDF-Hakha, CDF-Hualngoram, CDF-Zaniatram le PDA hriamtlai phufonh hna nih Taingen sakhaan lak kahdohnak an tuah i January 16 zinglei sml 7:30am hrawng ah tlamtling tein sakhaan an lak khawh.

Taingen sakhaan lak kahdohnak chung ah ralkap 12 le palek 18 an thi i Chin hriamtlai phufonh lei in 8 an nunnak a liam i 40 leng an rak i hliam ve.

About The Author

Na ruahning rak langhter ve.. (Leave a comment)

%d bloggers like this: