Thlakhat Chung Ah Nu 60 Leng An Thi
The Chinland Post | 2024 March 28 – Myanmar ramchung kahdohnak le hriamngan ruang telh in SAC ralkap ruang ah March thla chung ah nu 61 an nunnak a liam tiah Assistance Association for Political Prisoners AAPP nih March 27 ah a thanh.
March 1 in March 27 tiang Myanmar ramchung ah a nunnak liam mi nu cazin a si i a nunnakna liam mi nu 61 chung ah kum 18 tang minung 16 le kum 60 cung upa minung 10 an i tel tiah an thanh.
Cu chung ah kahdoh a fahnak Rakhine ram in minung 22 tiah a tam bik an nunnak a liam i minung 29 hi cu SAC ralkap hriamngan ruang ah an nunnak a liam mi an si.
March thla chung SAC ralkap vanlawng kahdohnak ruang ah hngakchia 3 telh in sualnak ngei lo mipi 20 an nunnak a liam cang tiah Britain cozah Indo-Pacific kongkau Vuanci Anne-Marie Trevelyan nih March 27 ah a chim.
AAPP nih March 27 tiang a khawmhsuat khawh mi cazin ning ah hramhram in uknak lak caan kum 3 leng caan chung ah Democracy caah a cawlcang mi mipi 4,791 an nunnak a liam cang i minung thong kul leng (20,280) tlaih an tong cang tiah theih a si.
About The Author
