Vawleicung A Tha Bikmi Saya Laksawng Cu Holh Phun 35 In Ca A Chimkhotu Andria An Pek
City Hunter| 2018 March 20| Vawleicung a tha bikmi saya laksawng cu London in holh phun 35 in ca a chim khotu Andria Zafirakou an thim. Laksawng ah US$ 1,000,000 an pek. Amah hi kum 39, Andria Zafirakou a si. London in Alperton Community School ah arts and textiles cachimtu sayamah pakhat a si.
Andria Zafirakou nih ca a chimhmi siangngakchia pawl hi aa thialkammi (ralzaam) ngakchia pawl cawnpiaknak sianginn a si. A siangngakchia pawl chawnbiaknak caah caholh phun 35 a cawng i aa khat lomi caholh in ngakchia pawl cu ca a chimh hna.
Andria cu UK in sianginn a dihmi asi. Vawleicung siangcachim/saya/sayamah laksawng petu phu Varkey Foundation Global Teacher Prize nih vawleicung ramkip in saya/sayamah a thong renglo thimrilhnak an tuah hnu ah atu bantuk in Andria nih hi laksawng cu a co hi a si. Hi laksawng cu fimchimhnak a petu siangcachim saya/sayamah hna chung in khuaruahhar phun dang deuh in rian a tuan khomi saya/sayamah thim in kum fatin an pekmi laksawng a si.
Laksawng peknak cu Dubai ah an tuah i British Prime Minister pumpak nih a telpi hna. Vawleicung minthang fidi le fitlaw, cun hlasak thiam pawl zong an i tel. Sunglawi taktak in laksawng peknak cu an tuah.
Source : Daily Mail
About The Author
