Pale Ah SAC Ralkap An Kah Hna, 5 An Thi
The Chinland Post | 2023 June 15 — Sagaing ramṭhen, Palek peng ah SAC ralkap pawl an kah hna i SAC ralkap 5 an thi tiah ABSDF Column – 3 sin in thawng theih a si.
June 14 zinglei sml 7:20am hrawng ah Pale peng ah a um mi pyusawhtee khua, Zeekonepyo khuate in a rak chuak mi SAC ralkap Captain Min Myat Thu nih a hruai mi hna Infantry 704 battalion le pyusawhtee phufonh hna cu Mibdaipin khuate le Zeephyukone khuate karlak ah ABSDF le Pale peng PDF nih an kah hna tiah thawng theih a si.
Kahdohnak chung ah ABSDF le Pale PDF nih bomrap le meithal bawm in an kah hna caah SAC ralkap le pyusawhtee 5 nak tlawm lo an thi i PDF phufonh lei him tein an kir kho tiah theih a si.
Cu SAC ralkap pawl nih eidin awk a ei ti lo mi Pyusawhtee khuate hna caah a pawngkam khuate mipi thil pawl an fir/chuh hna i an rak chuah hi a si tiah theih a si.
About The Author
