Myingyan Ah Bomrap A Rak Hrawk Mi SAC Ralkap Pawl Bomrap An Puah Hnawh Hna I 7 An Thi, Mawṭaw 1 A Rawk
The Chinland Post | 2023 June 15 — Mandalay ramṭhen, Myingyan peng, Toyunbu le Thityone khuate karlak ah bomrap hrawk ding in a raa mi SAC ralkap pawl bomrap an puah hnawh hna i 7 a thi, an mawṭaw 1 a rawk tiah Myingyan pengkomh No 5 Battalion, Company 2 sin in thawng theih a si.
June 11 ah Myingyan peng, Kyaukkan pyusawhtee khuate in mawṭaw 1 he a rak chuak mi SAC ralkap 25 hrawng cu Myingyan-Nabuaing lamcung mipi pawl tlai riangmang in khamhnak caah an hman hna hnu ah PDF phu pawl hmanh mi bomrap an hrawh. Cu SAC ralkap pawl an kir lei Tuyunbu le Thityone khuate karlak an phak ah bomrap lung 8 an puah hnawh hna caah SAC ralkap 7 an thi, adang SAC ralkap pawl hliam an tuar leng ah an mawṭaw zong a rawk cicek tiah theih a si.
Kahdohnak chung ah Myingyan pengkomh B05, Company 2, Myingyan pengkomh B01, B08, Naga Ni Guerrilla phu, hna adang PDF phu tampi fonh in kahdohnak an tuah hi a si tiah theih a si.
About The Author
