Kalaymyo Khuachung Tlanglei Natchaunglam Kalnak, Cho Store Damiah Nih An Lut Hnawh
The Chinland Post | January 19, 2024 — Kalamyo khuachung tlanglei Natchaunglam kalnak, Sakahlah phungki inn pawng um Cho Store ah Motor cycle 125 aa cit mi mino 3 damiah nih luhhnawh in tangka le sui an ngaih mi an lak piak hna tiah theih a si.
Sakahlah phungki inn pawng sang hi Regional Operation Command-ROCဒကစ umnak sang an si i Pyu Saw Hti, Palek le ralkap pawl hmun an lak nak a si i dawr ah damiah luhhnawhnak a um tonnak sang a si.
Sakahlah phungki inn ah SAC ralkap le Pyu Saw Hti gate zong a um tiah khuachung mi sin in theih a si.
January 18 zaan sml 8:00pm ah Aung Min Ga Lar sang Shwe Mint Mu lam kar ah Motor cycle pakhat cu ralkap nih motor dawi in an kah tiah theih a si. Minung a thi le thi lo theih a si rih lo. Cucaah zantlai 6:00pm hnu cu a leng chuah ti lo ah a tha, cun zeitik caan paoh ah ralkap an um tonnnak gate le hmunhma hrial khawh a hau tiah khuachung mi The Chinland Post sin ah an chim.
About The Author
