Kalaymyo Ah SAC Ralkap Meithal In Hngakchia Nu Pakhat A Thi
The Chinland Post | January 19, 2024 — Kalaymyo khuachung, Taungzalet sang, Buta sangthar lei um Pa Pau Deuh Mung le Nu Cing Leng Nuam fanu Lun Shian Cing (kum 7) cu SAC ralkap meithal kahnak ruangah January 18 zaanlei 7:00pm ah Ralkap sii-inn ihkhun 100 ah a nunnak a liam tiah thawng theih a si.
“ A pa he kethumngei motor cycle- sehtuai cit in an innlei an panh lio ah Buta pawng ralkap umnak SAC nih meithal in an kah hna caah hngakchia nu a ṭang pemlak in an kah. Siizung pakhat ah a pa nih a kal pi nain an zoh duh lo ruang ah ralkap ihkhun 100 ah an kal pi” tiah neihniam sin in theih a si.
SAC ralkap pawl nih khuachung ah checknak an tuah hi a zual i, khuachung umkal mipi tangka hal an hmang ngai. December thla 2023 lio ah SAC lei meithal kah ruang ah Kalaymyo lansung ah pakhat a thi i hngakchia pakhat telh in mipi 2 hliamtuar in an um tiah theih a si.
About The Author
