Kahdaih Hnatlaknak Zul Hlah U Sih Law Unau Hawikom Phu 3 Nih Khuapi Pawl Kan Lak Lai Tiah An Thanh
The Chinland Post | 2024 January 19 — Tuluk nih a karlak in tlangtlak mi kahdaih hnatlaknak kha chaklei unau hawikom phu 3 nih zulh lo in kahdohnak kan tuah rih ahcun khuapi pawl an lak thluahmah lai tiah unau hawikom phu 3 nih an thanh.
January 11 ah Tuluk nih a karlak tlangtlaknak thawng in an tuah mi “Kahdaihnak Haikin hnatlaknak” cu ralkap lei nih zul lo in vanlei kahdohnak a tuah cuahmah rih, hnatlaknak kan tuah ni in tuni tiang unau hawikom phu 3 nih kan zulh caah a daihnak hi a si tiah an thanh.
Unau hawikom phu 3 nih lungsau lo in, Haikin hnatlaknak zulh lo in kan i zukphiak a si ahcun kan rak i tinh mi hmunhma pawl le khuapi lak kahdohnak pawl kan tuah thluahmah lai i khuapi pawl zong kan kut cung an phan thluahmah lai tiah an thanh.
Kahdaih hnatlaknak ruang ah Operation 1027 cu a thader tiah ruah khawh a si nain ningkhel tein a kal cuahmah i Myanmar ram mipi hna ruahchannak caah unau hawikom phu 3 nih ningkhel tein rian kan ṭuan ko tiah a thanh.
About The Author
