Min Aung Hlaing Nih Kahdohnak A Sungh Mi Hmunhma Ah A Zumh Mi Lieutenant General Htey Za Kyaw Cu Bureau Of Special Operations (BSO)-3 Rian An Pek
The Chinland Post | January 19, 2024 — Myanmar ram nitlak lei Rakhine ramkulh lei kahdohnak ah an sungh tuk ruang ah nitlak lei le thlanglei paoh ralkap command uk ding in Bureau of Special Operations (BSO)-3 ah an ṭhial tiah theih a si.
Min Aung Hlaing nih Western Command le Southern Command pawl an cung lei in uk ding mi Bureau of Special Operations (BSO)-3 dirhmun ah a zumh mi Lieutenant General Htey Za Kyaw cu rian a pek tiah ralkap thawngzamh sin in theih a si.
Lieutenant General Htey Za Kyaw hi hlan ah Kachin ramkulh, Sagaing ramthen le Chin ramkulh hna uk mi Bureau of Special Operations (BSO)-1 commander a rak ṭuan i, 2023 kum in Naypitaw ah Bureau of Special Operations (BSO)-6 commander a ṭuan lio mi ralbawi a si.
A tu ah Lieutenant General Htey Za Kyaw cu Bureau of Special Operations (BSO)-6 commander in Rakhine ramkulh le Bago ramthen raldohnak operation le hunhimnak rianṭuan ding in Bureau of Special Operations (BSO)-3 commander ah an ṭhial.
Lieutenant General Htey Za Kyaw cu naihrawng kahdohnak a um mi Bago ramthen, Nattankwin kahnak lio ah SAC ralkap pawl cawnglawmhnak puai an tuah lio ah laksawng peknak ah aa tel i hlan Bureau of Special Operations (BSO)-3 ralbawi hlun cu Lieutenant General Phon Myat cu khuazei dirhmun pek a si lai hi theih fiang a si rih lo tiah Burma Media Consortium – BMC Media sin in theih a si.
Lieutenant General They Za Kyaw hi US le EU nih section- phihkhar a tong mi ralbawi pawl cazin ah aa tel ve mi ralbawi pakhat a si.
Photo- Lieutenant General Htey Za Kyaw
About The Author
