Chin Ramkulh Hluttaw Zungthar Ah Meeting An Tuah Cang Lai: 2019-2020 Kum Budget Kong An Ceih Lai
Salai Elvis| 2019 March 28| March 28 ni in avoi khatnak bik Hluttaw zungthar sak mi chungah Chin ramkulh Hluttaw caanhman tonpumhnak an ngei lai i a biapi tukmi 2019-2020 kum Budget kong an ceih lai tiah tuanvo ngeitu sin in kan theih.
“Tutan Hluttaw meeting tuahnak cu zung sak tharmi ah a si cang lai i a biapi tuk mi 2019-2020 kum budget kongkau kan ceih lai. Media Conner zong a um chih ko amah le ningcang tein thutnak a um ko, a mah belte thawngpang lak an duh ah cun a hlankan in cazin pek ta a hau” tiah Hluttaw Speaker Pu Zo Bawi nih TCP ah a chim.
“Hluttaw zungthar an sakmi ah meeting chung biakhiahnak ah hmanmi le mee peknak (Electronic Voting) seh thilri zong tling tein a um chih dih. Hi inn cu 5.5 billion budget pekmi a si nain a chung lei thil le ri tuahnak he cun 6 billion hrawng a dih” tiah Hluttaw Speaker nih a chim.
Ramkulh Hluttaw zunghtar cu 5.5 billion dih in Aroma Rose Company nih 2017 kum in an rak sakmi a si i 2019 February 20 ni ah hunnak an tuah tiah kan theih.
About The Author
