Falam Ah Innhmun (247) Soknak ca cawk khawh A Si

Salai Bawi Lian Sang|TCP-Kalay| September 8, 2020| Falam peng Cinmual sang le Tlanglo sang chung um khuachung vel mi lam pawng um innhmun (247) soknak ca cu September 7,2020 zanlei 1:00 in falam peng Tamah zung meeting room ah innhmun thar tawlrelbu Sub-Committee lutlai hruaimi Sipin nih zuar hram an thok I form cawk khawh a si cang tiah IPRD Falam page in kan theih.

Mah Inn hmun hi phun(3) in ri khiah a si. A level sing (20), B level sing (10), C level sing (5) in me zuh in zuar a si lai. Innhmun soknak ca pakhat ah kyat 5000 zuar a si.

Innhmun (247) ah A level hmun (49), B level hmun(121), C Level hmun (77) zuar a si tiah Sipin committee chungtel Daw Kai Thluai sin in thawng kan theih.

2016-2017 kum March thla Falam peng ah milu 49,555 an um i pa milu ah le nu milu 26,464 an um. Falam khuachungah inn 2,181, khuate ah inn 7,627 le khuachung innchungkhar 2510 le khuate innchungkhar 7,037 an um. Pengchung inn dihlak 9,808 le pengchung khuate innchungkhar 9,547 an um. Khuapi chungummi sang (ward) 4 ah Cinmual Ward, Balai Ward, Phathauk Ward, Tlanlau Ward le village tract (Oh-suh) 86 le khuate 179 an um.