Falam Khua Surbung Tlang Vanlawng Bual 50% An Lim Cang
TCP| 2018 August 23| Chin ramkulh Falam khua pawng Surbung tlang Vanlawng tumnak hmun cu zatuak 50% lim a sic ang tiah Minister Pu Sui Thio nih a chim.
“A ralaimi kum ah kat-ta-za pe 1000 phah a si lai. Cu pinah a herhmi Concrete phah ding zong a hau rih. Vanlawng tlik nak ding caah Naylon Kat-ta-za phah zong a hau rih. Atu tiang kanmah sinah riantuantu hna nih 50% cu kan dih ko cang an kan ti” tiah lam le sul vuanci Pu Sui Thio nih a chim.
Kawlram chung vanlawng thiamsang lei hna nih tuanvo lak tuanmi Falam khua Surbung tlang Vanlawng bual caah 25 billion chiah piak a si i 2020 kum chung ah dih ding in ramkulh cozah lei nih cun an chim.
Surbung tlang Vanlawng bual cu a tliknak ding a sau pe 6000, a vaang pe 100 a si i hi Vanlawng tumnak hmun nih a rihzan pound 50,000 a tuarh ding le ATR-72 Vanlawng phun a tum kho lai tiah theih a si.
Ref:Khonuamthung
About The Author
