SAC sin ah hmatpungṭin a sawk mi ramkhel party 8 an um cang
The Chinland Post | 2023 February 24 — SAC nih ramkhel party pawl hmatpungṭin nak nawl cu phungning tein SAC kuttang Union Election Commission sin ah party pehzulh in dirhnak nawl le hmatpungṭin a sawk mi ramkhel party 8 an um cang tiah Mizzima nih a langhter.
Ahlan ah USDP telh in hmatphungṭin a sawk mi party 5 sn um um cang i February 22 ah Democratic Forces Labour Party, New Democracy Party (Kachin) le Public Contribute Students Democracy hna nih February 22 ah an rak sawk chap tiah SAC leiṭang thawngzamh pawl nih an langhter.
Democratic Forces Labour Paty hi ramkhel party thar dirh ding in a sawk mi an si tiah theih a si.
Party pawl lak ah USDP hi a tuan bik a sawk mi an si i Federal Democratic Party, Union Democratic Party, Myanmar People’s Democratic Party, Pa-O National Organization hna nih an sawk ve cang tiah theih a si.
Atu hmatphungṭin a sawk mi party pawl chung ah 2020 thimnak a phichuak he pehtlai in SAC hruaitu Gen. Min Aung Hliang sin ah a phuang mi party an tam.
Cun SAC nih rian a khinh mi Daw Thet Thet Khiang hruai mi PPP zong hmatpungṭin a sawk ṭhan ve lai tiah an thanh.
Atulio ah ramkhel party 90 leng a um i cu party pawl nih January 26 thawk in thla 2 chung ah hmatphungṭin an tuah ṭhan lo a si ahcun party cu hrawh a si lai tiah SAC nih a langhter.
About The Author
