Thitumhnak ah a kalmi Chin mino 2 thah an tong
The Chinland Post | 2022 April 25 – Sagaing ramṭhen chaklei Tamu peng, Khuathar khua pawng lamkam ah Chin mino 2 ruak April 24 zinglei ah hmuh a si.
A thimi hna hi Kyunpintha (Teiyang khua) khuami kum 20 in 25 kar Ko Sun Min Thang le Ko Thang Ko Kin hna an si.
April 23, Tungkyaw khua ah bawlung an chuih dih in Phailin khua ah an hawile ṭhitumhnak an kal lio Phailin khua an phak hlan Tanan khua le Khuathar karlak ah thah an tong.
An ruak cu mawṭaw lam in 50yards aa hlatnak ah hmuh a si i an ruak pawng ah pistol kuan bawm 5 hrawng an hmuh. An lu, an hnak le an keng hna ah tukvelhnak hma hmuh a si.
An ruak cu mizaw phor mawṭaw in an umnak khua ah an kalpi. Mizei nih thahmi a si bal cu a fiang in theih khawh a si rih lo tiah Zalen nih a langhter.
About The Author
