Wah(‘O’) Ram Ah Khrihfa Biakinn An Hrawh Pinah Pastor Tel In Khrihfa Dang An Tlaih Hna
Salai Elvis| 2018 September 21| September zarhthumnak hrawngah Khrihfa Pastor le chungtel pawl an tlaih hna pin ah an biakinn zong Wah (‘O’) cozah nih an hrawh piak hna tiah theih a si.
September (16) zalei suimilam 12 ah Pann-san khua Pin-ma Khrihfa bu an biak inn, inn khar cu an hrenh kanh hna pin ah Tuluk ca zong an tar chih tiah Wah khua um mi Jack Sam nih a chim.
“An tlaih nak hna a ruang ka thei lo. An tlaih mi hna khua hi khua thum ah an si i cu khuathum peng chung huap in an si dih. Wah(‘O’) ram chungah hin Khrihfa namnehnak an ton hi a sau cang. A thli in thla a cam mi hna zong an tlaih hna i thong an thlak hna. Dan an tat hna, rian an tuan ter hna. Wah (‘o’) ram chung pin thawngpang a chuah lo caah ho hmanh nih an thawng an theih hna lo caah a si ko. A launcia 2014 kum zongah Khrihfa biakinn cu an hrawh piak hna pin ah mei in an khangh piak hna” tiah Jack Sam nih a chim.
Ref: DVB
About The Author
