40 MM bom kuan 6 a kap khomi hriam Daungni phu nih an chuah

The Chinland Post | 2022 September 12 – Sagaing ramṭhen, Kanbalu peng ni chuahlei ah a cawlcangmi Daungni phu nih 40 MM kuan 6 a kap khomi hriam an chuah khawh cang tiah theih a si.

Cu hriam ser khawhnak dingah September thla thok in an ser cang i September 11 ah an hneksak i a tlamtling tiah hriam chuahnak rianngeitu nih DVB ah a chim.

“Auto cu a si lo. Voikhat kah ah kuan kha kut in mer ṭhan a hau. Kan cawn lengmang ahcun auto tluk in a rang kho ko lai. SAC ralkap pakhat kan tlaih khawh i bom kuan 6 in voikhat tlak ah a tlami kha an ṭih tiah a chim. HlaHla tiah min kan bunh. Kanmah lei ah a ummi thilri tein kan tuah i a tlamtling” tiah Daungni phu hriam chuahnak rianngeitu Lt. Wanna nih a chim.

A hlat hi 1,000 yards tiang a kap kho i a kuan pakhat ah sing 2 le cheu hrawng a si tiah theih a si.

40 MM kuan 6 a kap khomi hriam kan chuah khawh caah adang dothlennak phu pawl zong kan chimh ve hna lai tiah Lt. Wanna nih a chim.

Daungni phu nih adang kuttuah meithal a tawimi, a saumi le a langhlat a kap khomi hriam pawl chuah le hman a si tiah theih a si.

Na ruahning rak langhter ve.. (Leave a comment)

%d bloggers like this: