AA Nih Mei Khanghnak In Thil Hrawhmi US Dollar 300,000 Leng An Sung

TCP-Thantlang| 2019 March 31| Sakremhnak zung, hlei saknak le remhnak lei nih tuanvo lakmi Chin ramkulh Mindat pengkomh, Paletwa khua kam Kaladan hlei saknak ding caah a herhmi thilri pawl a phurtu tilawng cu AA hriamtlai hna nih an khangh caah US Dolllar 300,000 leng sunghzatlaknak kan tong tiah rampi sakremhnak zung pi nih cathanh an chuah.

Paletwa Kaladan tiva hlei donhnak ding caah a herhmi thir Ton (286.23), seh thilri dangdang US dollar (715,000) kawlram tangka in Ks. (1,072,500,000.00) tluk Yangon khua in Paletwa khua tiang MV tilawng in phurhtlun ding timhtuah a si.

Cu thilri an phurh lio 9 March 2019 ni ah IKBZ aa-ma-khan Company nih Ks.(4,182,750.00) cu 10 March 2019 ni ah Yangon khua in aa thawh hnu 16 March 2019 ni ah AA hriamtlai hna nih an kah in an khangh caah hlei ca i Bearing pawl, Muli le Nut pawl, sii thuh ding pawl a dihlak US Dollai (327,360), Kawlram tangka thlen in Ks. (491,040,000.00) tluk sungh zatlaknak kan tong tiah cathanh an chuahmi ah aa tial.

Thir pawl cu hman than khawh an si than lai maw lai lo? timi kong cu J&M Steel Solution Co.,Ltd nih zohfel than dingin timhtuahnak an ngeihnak kong, sungh zatlakmi vialte cu liamhrulhnak ngah than dingin tuanvo ngeitu aa-ma-khan Company sinah an hal lio hna nak kong, liamhrulhnak hmuh than a si ko ah cun thilri pawl cu rianrang tein serchuah than ding le Paletwa hlei donhnak rianhma domh than dingin rianrang tein kan tawlrel lai tiah rampi sakremhnak zungpi nih cathanh an chuah. Ref:The Ladies News

Na ruahning rak langhter ve.. (Leave a comment)

%d bloggers like this: