June 22, 2024

Hpapun Ah SAC Nih Vanlawng in Bom A Thlak Caah Minung 6 An Thi, 15 An I Hliam

0

The Chinland Post | 2024 April 2 — KNU phufonh nih an laknak Karen ram, Hpapun khua cu SAC nih March 31 ah vanlawng in bom a thlak caah sualnak ngeilo mipi an thi.

March 31 ah Hpapun um phungki sianginn cu SAC ralkap nih vanlawng in bom a thlak caah ralzaam minung 6 an thi, 15 an i hliam tiah Free Burma Rangers nih April 1 ah thawng a thanh.

KNU hruaimi dothlennak phu pawl nih Hpapun um SAC ralkap pawl hloh dih ding in March 19 thawk in an kulh hna i kahdohnak hram an thawk caah March thla dongh lei ah khua an tlaih khawh i SAC ralkap LIB 19 an lak khawh. Adang a tang mi sakhaan pawl zong an kah cuahmah lio a si tiah Karen ram thawngzamh pawl nih an langhter.

SAC lei nih vanlawng in bomthlaknak, hriamngan kahnak, Drone in bom thlaknak pawl a tuah caah khuachung mipi inn pawl a rawk i a pawngkam minung pawl an zaam tiah theih a si.

SAC vanlei kahdohnak, hriamngan kahdohnak ruangah mipi a thihlohnak, mipi inn pawl a rawk i Hpapun khua pawngkam in minung 1,600 leng himnak hmun ah an zaam tiah Brigade 5 nih thawng a thanh.

About The Author

Na ruahning rak langhter ve.. (Leave a comment)