Laykaykaw Um SAC Ralkap Sakhaan 1 Dothlennak Phu Pawl Nih An Lak
The Chinland Post | 2024 April 2 — Karen ram, Myawaddy peng, Laykaykaw khuathar, Swedaw byuha-kone a tang um Ye-kan kone sakhaan cu March 31 ah KNU hruainak in dothlennak phu pawl nih an lak khawh tiah theih a si.
Kahdohnak chung ah Drone in aa tel ve mi Federal Wings Drone phu nih Ye-kan kone cu an lak khawh i hmanthlak pawl zong an langhter.
Ye-kan kone sakhaan ah SAC ralkap 20 nak tlawm lo nih hmunhma an khuar i kahdohnak chung ah a tam-u nih sakhaan an zaamtak tiah an langhter.
Sakhaan a zaamtak mi SAC ralkap pawl cu Swe-daw byuha-kone ah a um mi SAC ralkap pawl sin an i fonh le fonh lo kha a fiang in theih a si rih lo.
SAC ralkap pawl nih fek tein hmunhma an khuarnak Swe-daw byuha-kone hi Me-htaw-ta-lay, Hti-me-wa-khi, Min-lat-pan telh in Laykaykaw le a pawngkam hmunhma pawl command a petu byuha-kone pakhat a si.
KNU Brigade 6 hmunhma a si mi Myawaddy peng le Kawkareik khua hna ah SAC ralkap le KNU, PDF karlak ah kahdohnak a chuak lengmang.
About The Author
