About Us

The Chinland Post Kong

The Chinland PostThe Chinland Post cu Fidi Group nih ngeihmi Thawngthanh lei riantuannak bu pakhat a si. Fidi Phu (atu Fidi Foundation) cu Kum 2007 ah ramchung ramleng mino pawl ipehtlainak, ruahnak i cheuhnak le thawngpang i thanh caah dirhmi a rak si. Ramchung le ramleng mino, a bikin ca le holh lei a zuammi hna lungtlinnak he 2009 October ah ‘Fidi Biazai’ timi Cauk rak chuah a si. Hi biazai cauk hi Laitlai tuanbia ah thangthar mino biazai an tialnak kutzung tamcem zong a si.

2010 Ramkomh Kawlram ramkhel sining zauk phung lei hoih in a hun thlen ve tikah Chin mino hna nih kan ramkhel kong, zauk phung sining le ningcang te kar a hlan khawh nakding le Tlangcungmi hna nunnak sining hi Caholh riantuannak in bawmchan usih timi ruahnak he The Chinland Post cu March, 2010 ah dirh a hun si. March, 2010 in August, 2010 tiang thlatin (Monthly) in The Chinland Post tawlrel in cachuahnak ngeih a rak si.

The Chinland Post riantuantu chung in ramdang sianginn kai cio ruang le a bik in, Tangka chawva lei in chambaunak kan ngeih ruangah The Chinland Post pehzulh in chuah khawh a si ti lo i, rak dinhter chung a si. Ramchung ah, The Chinland Post Thawngpang kan chuah khawh tilo nain May 2011 ah FIDI BIAZAI Facebook Group siseh, July, 2011 ah The Chinland Post (www.thechinlandpost.com) in riantuan hram kan thawk. Nihin ni ahcun Chin mino cawlcanghnak ah hmaisuang riantuantu pakhat ah hun dir a si.

Riantuannak zohthannak le The Chinland Post riantuantu ramchung kan hun luh than cio cang tikah January 11, 2013 in The Chinland Post zarhfatin chuah hram kan hun thawk khawh than. Nihin nitiang Chin mizapi thapeknak in caantling in pehzulh a si. The Chinland Post nih miphun le ram caah thawngthanh lei in rian a tuannak ah a bawmchantu le ningcanglo in kan kalnak hngalo ding caah ihruainak phunglam le phunghram zong thate in kan ser. The Chinland Post riantuantu zapi zulhphung le Media Zulhphung tiah tlaitleng pahnih he siseh, tangka kongkau zohfelnak caah Financial Phung tiah kar kan hlan cuahmah lio a si.

The Chinland Post riantuannak a thancho khawhnak le Miphun huap in a thawng i a fekmi thawngthanhbu ser khawhnak ahcun cu The Chinland Post riantuantu hna nitin bu cawlcanghnak cungah pumpak pakhat cio nih zeitluk in dah caan an pek i ningcang tein bu chungah an i pumpek, cun rian an tuan timi cungah aa hngat ngai a si. Cu bu riantuannak chungah riantuantu pakhat le pakhat, bu khat le bukhat, The Chinland Post le mizapi he pehtlai in riantuan khawhnak caah a fekfuanmi biahren kan ngei. Ningcang tein dun le dan he rian kan tuan lawngah The Chinland Post ca lawng silo in Chin miphun pi caah thanchonak le manngeimi kan si khawh lai timi ruahchannak he The Chinland Post cu Phunghram le zulhphung he tha tein a dirmi phu a si.

Nihin The Chinland Post riantuannak hi phun hnih in then khawh a si: Nifatin chuahmi, The Chinland Post Daily News le thlahnih dan voikhat chuahmi Chin Digest (Sister publication of Chinland Post) an si. The Chinland Post hi Weekly (Zarhtin) in chuahmi a rak si nain, kokek rawhralnak nih lamsul vialte a hrawh dih caah pehtlaihnak tha lo in, caan saupi um a si hnu in, Hakha hrambunh in, 2016 January thawk in, Nitin (Daily) in kan rak chuahnak hi a si. Nain, caan sau a rauh hnu ah, zarh khat voithum (tri-weekly) an kan thlen i, nihin tiang cuticun kan kalpi lio a si.

Atulio ah The Chinland Post Riantuantu hna cu;

Editor-in-Chief
Salai Holy Tawk Tling Thang

Editor-in-Charge
Salai Ngun San Aung
(Cacawn in a din lio, Study Leave)

Editor
Salai Elvis (Thantlang)

Web & Online Editor
Salai Za Bawi Thawng

Reporters
Salai Khin Maung Thein (Kalay)
Salai Van Bawi Mang (Hakha)_Study Leave
Salai Za Thawng (Freelance, Hakha)_Study Leave
Salai Richarge (Freelance, Kalay)
Salai Biak Za Cung (Internship, Hakha)
Salai Ngun Thawng Lian (Publishing Manager_ part time)
Salai Van Bawi Hniang (Kalay Coordinator)
Mai Ni Par Sui (Office Assistant)

Finance & Accountant
Gracy Siang Hlei Dim

Publishing Manager (acting)
Salai Biak Za Cung

Chin Digest
Salai June Nilian Sang (Executive Editor)
Salai SH Lian (Managing Editor)
Salai Kep Chin Thang (Associate Editor)
Editors: Salai Mang Hre Lian, Salai Holy Tawk Tling Thang, Salai Uk Nun Bawi, Salai Ngun San Aung
Salai Uk Nun Bawi (Treasurer)
Hretung (Layout Design)
Salai Serenade (Cover Design)

Marketing Manager
Fidi Team

TCP TV Team
Salai Bawi Uk Thang (Executive Producer)
Salai Van Bawi Mang (Broadcasting Manager)
Editors: Salai Elvis, Sang Hnin Lian, Salai Ceu Lian Thang, Salai Holy Tawk Tling Thang, Salai Ngun San Aung, June Nilian Sang
Mai Gracy Siang Hlei Dim (Presenter)
Mai Helen (Presenter)

TCP/FF Hmanthlak, 2015

Updated on 2 May 2019