American ah Chin ramkulh ralzaam bawmhnak caah funding kawlnak an tuah
The Chinland Post | 2022 June 6 – Chin ramkulh ralzaam bawmhnak caah tiin United State ah a ummi University of Maryland Hoff Theater ah Chin Community Of U.S.A D.C Area le Innlay Production fonh in funding kawlnak cu June 4 ah an tuah i USD $ 20,000 hrawng hmuh a si tiah thawng theih a si.
Funding kawlnak part 1 nak ah Hollywood in Director Dylan Chow tuahmi Music Video le dawtnak deu kong muicawl langhternak an ngei i part 2 ah Chin miphun thlithuam hmuhsaknak le ruakhuatlak laamnak an ngei.
Cu program in hmuhmi tangka vialte cu Chin ramkulh ralzaam hna caah hlut a si lai tiah theih a si.
