August thla chungah KNU le SAC ralkap karlak ah kahdohnak voi 260 leng a chuak

The Chinland Post | 2022 September 9 – A luancia August thla chungah Karen National Union (KNU) kuttang ralkap phu le SAC ralkap karlak ah kahdohnak voi 262 a chuak tiah KNU nih a thanh.

Kahdohnak chungah SAC ralkap 300 leng an thi i 260 leng an i hliam tiah KNU nih a chim. KNU kuttang ralkap 4 an nunnak a liam i 18 nih hma an tuar tiah a langhter.

Kahdohnak ah SAC lei in BGF zong an i tel chih i KNU lei in KNLA le KNDO hna an i tel.

SAC nih hriamngan, hriamhme lengah kahdohnak vanlawng le Helicopter hna in kahdohnak a tuah tiah KNU cathanh ah a langhter.

Mipi pawl an umnak khua zong ngan loin bom a thlak caah mipi 9 an thi i 16 an i hliam lengah mipi inn 16 a rawk tiah a ṭial.

Cun SAC nih mipi 97 zong August thla chungah a tlaih hna tiah KNU nih a thanh.

Na ruahning rak langhter ve.. (Leave a comment)

%d bloggers like this: