Ayadaw ah SAC ralkap gate drone in bom an thlak i 2 an thi
The Chinland Post | 2023 January 23 – Sagaing ramṭhen, Ayadaw peng ah SAC ralkap gate drone in bom an thlak i SAC ralkap 2 an thi tiah Danger Force LPDF sin in thawng theih a si.
January 21 chun sml 12:07pm ah Ayadaw khua ni tlaklei ah a um mi SAC ralkap gate cu PDF phu pawl nih Drone in voi 2 bom an thlak hna i SAC ralkap 2 an thi, 1 aa hliam tiah theih a si.
“Bom kan thlak hnawh hna hnu ah SAC ralkap pawl nih lamṭhen kip le inn karlak kip ah meithal an puah. Ayadaw khua in mizaw phor mawṭaw 1 a rak phan i fak ngai in aa hliam mi SAC ralkap 3 an rak thlop hna. SAC ralkap 3 chung ah 2 an thi ko ti cu fahter khawh a si” tiah Danger Force LPDF rianngeitu nih Khit Thit ah a chim.
Bomthlaknak chung ah Danger Force LPDF, Ngwe Dwin Revolution Force le MRTF hna fonh in an tuah mi a si tiah theih a si.
About The Author
