Ayadaw kahdohnak ah SAC lei 20 leng an thi
The Chinland Post | 2023 March 10 — Sagaing ramṭhen, Ayadaw peng February thlachung kahdohnak ah SAC lei 20 leng an thi i PDF hriamtlai 9 an nunnak a liam tiah APOSTLE nih a thanh.
Aydaw peng, Hnamatin khua February 21 le February 22 ah kahdohnak voi 4 a chuak tiah an thanh.
February 21 zinglei Ayadaw peng, Kyaukpyauk khuate ah hmunhma a khuar mi SAC ralkap 100 hrawng le Hnamatin khuate pawng ah PDF phu pawl karlak ah kahdohnak aa thawk hi a si.
Cu ni kahdohnak ah SAC lei 15 hrawng an thi i Hnamatin khua tawlei zong SAC ralkap pawl nih an khangh tiah theih a si. Cu ni ah PDF phu pawl nih bomrap an puah hnawh hna i bo 3 bawi le Lieutenant 1 fak ngai in an i hliam i a hmun ah 2 an thi tiah an langhter.
Kahdohnak chung ah a thi mi SAC ralkap ruak pawl cu Hnamatin khua lulei ah mipi inn le caw rawl he an khangh chih hna tiah theih a si.
About The Author
