Ayadaw ni 3 chung kahdohnak ah SAC ralkap 19 an thi, PDF 2 an nunnak a liam ve
The Chinland Post | 2023 February 23 — Sagaing ramṭhen, Ayadaw peng ni 3 chung kahdohnak ah SAC lei in 19 an thi i Feb 23 ah SAC nih Helicopter hmang in a rak doh hna tiah Khit Thit nih a langhter.
SAC ralkap 85 nih Ayadaw peng, Kyaukpyu khua ah an lut i hnamatin khua le ahnulei ah a um mi khua 2 an khangh ca ah PDF phu pawl he kahdohnak a chuak, February 21 thawk in Ayadaw peng ah kahdohnak a fak peng i ni 3 chung ah SAC lei in 19 an thi, Helicopter zong nih kah a rak bawmh hna tiah theih a si.
February 23 zong ah Min khua, Malay khua, Konedaw khua pawngkam hrawng ah kahdohnak a chuak i SAC nih Helicopter pawl hmang in sml 2:00pm hrawng ah an rak kah i thil phor Helicopter pawl zong in thazang le hriam a rak chap tiah an langhter.
About The Author
