Bago pengkomh hmun 3 ah kahdohnak a chuak i SAC ralkap 12 hrawng an thi

0

The Chinland Post | 2022 October 14 – Bago pengkomh PDF phu pawl le SAC ralkap karlak October 13 nikhat chungah kahdohnak voi 3 a chuak i SAC ralkap 12 nak tlawm lo an thi tiah Bago pengkomh PDF nih an thanh.

October 13 zinglei ah Nattalin peng Nyaunglaybin khua le Kyatmanat khua karlak ah kahdohnak voihnih a chuak.

Thazang 50 hrawng a simi SAC ralkap pawl cu Thayarwaddy pengkomh PDF nih timhcia tein an rak hngah hna i bom an puah hnawh hna caah SAC ralkap 4 an thi i 7 an i hliam.

Cu SAC ralkap pawl cu hmai ah an fong i Kyatmanat khua le Nyaunglaybin khua karlak ah bomrap a puah hnawh ṭhan hna i bomrap kual chungah a um lio a si caah SAC ralkap 6 an thi, 8 nak tlawm lo an i hliam tiah a thanh.

Bago ramṭhen, Taungoo peng, Myapinku khua ah hmunhma a khuarmi SAC ralkap sakhaan zong October 13 zaanlei ah Taungoo pengkomh PDF nih a thli tein an kah hna i SAC ralkap 2 an thi, cheukhat an i hliam tiah a thanh.

About The Author

Na ruahning rak langhter ve.. (Leave a comment)

%d bloggers like this: