Bago Ramṭhem Ah Kahdohnak Pehzulh In A Chuak, SAC Ralkap A Tlawmbik 17 An Thi
The Chinland Post | 2023 July 10 — Bago ramṭhen thlanglei ah July 5 thawk in ni 3 chung kahdohnak pehzulh in a chuak i SAC lei a tlawmbik 17 an thi tiah Bago ramṭhen PDF phu sin in thawng theih a si.
July 5 chun ah SAC ralkap le PDF phufonh hna cu Nanza khualu ah kahdohnak a chuak i SAC ralkap 15 an thi, 10 hrawng an i hliam caah hliam a tuar mi pawl cu Kyaukhtada sizung ah an i thlop hna tiah theih a si.
July 6 zaanlei zong ah Nanza khua le Puakkone khua karlak hlei ah kahdohnak a chuak ṭhan i SAC chungtel 2 an thi, 4 an i hliam.
Tukar hrawng, Bago ramṭhen thlanglei ah SAC ralkap le PDF phufonh hna karlak ah nifatin in kahdohnak pehzulh in a chuak. Kahdohnak chung ah SAC ralkap a tlawmbik 17 an thi, 14 an i hliam i PDF phufonh lei in 1 a nunnak a liam tiah Bago ramṭhen thlanglei PDF phu nih cathanh an chuah.
About The Author
