Banmauk peng kahdohnak ah a nunnak a liammi PDF 6 chung in nu 1 aa tel
![](https://i0.wp.com/thechinlandpost.info/wp-content/uploads/2022/10/Sagaing-Special-Force-in-a-nunnak-a-liam-mi_2022-Oct-13.jpg?fit=640%2C640&ssl=1)
The Chinland Post | 2022 October 14 – Sagaing ramṭhen, Banmauk peng, Namaw khua ah a luancia October zarhkhatnak ah a cangmi kahdohnak chungah a nunnak a liammi Sagaing ramṭhen PDF 6 chung ah nu hriamtlai zong 1 aa tel ve tiah theih a si.
Banmauk peng ah October 4 thok in SAC ralkap le Banmauk peng PDF phufonh hna karlak ah ni 9 chung kahdohnak a chuak i Namaw khua kahdohnak ah KIA, PDF phufonh KPDF tiah dirhmi Sagaing Special Force တပ်စိပ် an zapi ngawt in an nunnak a liam tiah theih a si.
“Amah hi pa bantuk in a um mi a si. Thet tiah kan auh. Sagaing Special Forcd တပ်စိပ်မှူး zong a si” tiah PDF chungtel nih BBC ah an chim.
Sagaing Special Force cu kahdohnak chungah hmai ah a chuakmi Commando phu a si i Namaw khua ah karceh in an kah hna caah chungtel 7 chung ah 6 an nunnak a liam i တပ်စိပ် an zapi ngawt nih ram le miphun caah an nunnak an pek tiah theih a si.