Bomrap ṭihnung nih a tlerhkhawn peng mi Myanmar ram
The Chinland Post | 2023 February 22 — Tukum February 1-21 tiang RFA nih a khawmhsuat khawh mi cazin ning ah, bomrap ruang ah a nunnak a liam mi le aa hliam mi 26 an phan cang. Aa hliam mi le a nunnak a liam mi hi sualnak ngei lo mipi sawhsawh hna an si.
UNICEF nih a thanh ning ah 2022 kumkhat chung ah bomrap le a puak kho mi hriam ruang ah a nunnak a liam mi 102 le aa hliam mi 288 tiah an zapi te 290 an si. Cu chung ah, hngakchia 133 le upa 257 an i tel. 2021 lio nak in 37% a karh deuh tiah UNICEF nih a chim.
2021 lio ah bomrap le a puak kho mi hriam ruang ah a nunnak a liam mi le aa hliam mi 284 an rak um.
Bomrap ruang ah aa hliam mi hi Rakhine, Chin, Kayah, Shan le Sagaing hna ah an tam.
Hmanthlak -The Irrawaddy