Budget and Planning Ramkomh Minister U Kyaw Win Nih Riandinhnak Ca Tial Tiah Thawngpang A Leng

Salai Aung Aung| 2018 May 23| Budget and Planning ramkomh Minister U Kyaw Win nih a hlei in hlathlaitu phu le ziknawh eihmuarnak dohtu phu nih a inn ah luh hnawh in chekhlatnak an tuah tiah theih a si i a tu hi rian dinhnak ca a tial tiah thawngpang a leng.

Minister U Kyaw Win hi kan hnulei Tuluk ram a tlawn nak kong he pehtlai in chekhlatnak an tuah hi a si tiah ram chung media cheukhat nih an langhter. Cun a fapa he chekhlatnak an tuah hna tiah thawngpang a leng i ziknawh eihmuarnak dohtu commission chairman U Aung Gyi nih report nak a um caah kan chekhlat tak tak ko i a tu hi kan lim ti tluk a si cang. Kan hmuhchuahmi cu President le Hluttaw Chairman sinah kan ap lai tiah May 23 ah a fehter.

U Kyaw Win a rian in dinhnak ca a tial timi bel cu NLD party in chimrelnak nawl ngei pawl nih bia an fehter mi a um lo. U Kyaw Win cu Minister a si caah uknak lei he aa pahtlaimi a si i kanmah nih kan tawlrel dingmi a si lo. NLD party ah dinhnak ca a tial ahcun phungning tein thawng kan thanh ko hnga. Tu tiang cu zeihmanh a tial mi a um lo tiah an chim.

U Kyaw Win cu 2015 thimnak lio ah Yangon ramthen Dagon Myothit peng in Pyituh Hluttaw ah aa zuammi a si i thimnak a tlin caah ramkomh Minister rian pek mi a si. Rian an rak pek lio zongah hin Doctor degree a hmuh mi kongah lunghrinhnak le soiselnak a rak um pah.

Ziknawh eihmuarnak dohtu commission chairmah U Aung Gyi nih cun report a tongmi cu ho paoh thleidannak um loin kan chekhlat ko hna tiah a chim fawn.
Ref: RFA Burmese, VOA

Na ruahning rak langhter ve.. (Leave a comment)

%d bloggers like this: