Cawbuk sang ah inn pakhat a kaang
Hakha Khua/TCP
The Chinland Post | 2023 January 27 — Chin ramkulh, Hakha khua, Cawbuk sang ah inn pakhat a kaang cuahmah tiang thawng theih a si.
January 27 zaan sml 9:30pm hrawng ah Cawbuk sang, Pungki sianginn hmai ah a um mi Pu Thawng Cem inn a kangh cuahmah hi a si tiah kan theih.
Zeiruang dah a kangh ti cu a fiang in theih a si lo nain khuami hna nih cun SAC ralkap nih an khangh ko lai tiah an ruahdamh.
” January 25 ah CDF pawl nih Cawbuk check gate ah thil a chan mi SAC chungtel an rak kah hna i 2 an thih caah an thinhung tuk i mipi inn 3 zong an hrawh, cun hika pawngkam inn pawl zong hi kan khangh dih lai tiah an i hrocer len” tiah min a langhter duh lo mi pakhat nih The Chinland Post ah a chim.
Chin ramkulh, Hakha khualipi ah SAC nih tuah a timh mi thimnak caah nifatin in min cazin a la mi Non-CDMers pawl le SAC chungtel pawl cu CDF nih an tlerh lengmang hna caah Hakha khuachung ah SAC ralkap nih himnak fak deuh in an rengh tiah theih a si.
About The Author
