Chin Miphun Zapi Nih Dothlennak Ah i Teltum Ding In CNF nih A Voi 75 Nak Chin Miphun Ni kong He Pehtlai In Cathanh A Chuah
The Chinland Post | 2023 February 16 — Ramchung, ramleng ah a um mi Chin miphun zapi nih CNF/A he bawm in dothlennak ah mah le ti khawh nak lam cio in lungkhat tein i teltum hna usih tiah CNF nih sawmnak a thanh.
February 20 ah a si ding mi a voi 75 nak Chin Miphun Ni kong he pehtlai in CNF nih cathanh a chuah mi chung ah a langhter mi a si.
CNF nih atu khel cuahmah mi dothlennak ah miphun pi luatnak a si tiah seh chih in ramkhel tinhmi, zumhnak aa khat mi hawikom phu hna, NUG, hmunkip dothlennak phu pawl he pehzulh in kan doh rih ko lai i Chin miphun sersiamnak le Chin ram sersiamnak zong Stakeholders pawl he a tak in kan ṭuanchuah lai tiah cathanh ah an ṭial.
Pau Dothlennak ah a nunnak a pe mi pasalṭha nusalṭha hna, hliam a tuar mi hna nan zapi zong upatnak kan in pek hna i harnak phunkip a tuar mi mipi zong kan in upat hna tiah an langhter.
Chin Miphun Ni, February 20, cu Chin miphun luatnak telh in kan pupa hna nih pehzulh in an rak hman mi uknak hlun chung in Chinland zapi fonh in mah tein khuakhan lairelnak aa tel mi Democracy uknak hmang ding in bia an rak khiah ni a si caah thum-al tein hmang kho cio hna u sih tiah CNF nih a thanh.
About The Author
