Chin National Organization nih Falam peng ah ihkhun 50 tlum siizung pakhat a dirh
The Chinland Post | 2022 August 22 – Chin ramkulh, Falam khua ah Chin National Organization (CNO) nih ihkhun 50 tlum sizungpakhat cu August 20 ah a dirh tiah CNO nih a thanh.
Sizung awnnak ah CNDF Commander in Chief Salai Peter Thang telh in hriamtlai pawl, khuanu khuapa le khuami hna an kai kho i NUG ngandamnak zung le ICNCC zong nih ca an kuat hna.
Ihkhun 50 tlum sizung kan dirh khawh caah khuami hna ngandamnak caah hnangam deuh a si tiah khuami Salai Peter nih RFA ah a chim.
“Kan dirhmun cu nan kan theih bantukin a si ko. Lampi ah kahdohnak a chuak i sizung, sikhaan kai khawh a si lo. Ralkap sizung hrim cu kan kai lo. Thih kan i ham deuh. Adang zawtnak pawl hi cu kahdohnak a dih tiang hngah khawh a si. Fa a pawi liomi hna hi cu hngakchia nih chuah a duh cang. Kahdohnak nih le a dih rih lo. Thi chuah a tamtuk caah a thimi hna kan ton caah atu bantuk in sizung an awn hi khuami hna kan i lawm ngainai”.
Atu sizung hi Falam peng chung mipi hna aiawh in a dirmi a si caah ti khawhnak lam cio in kan i bawm cio hna lai tiah a chim.
Sizung awn le cangka in 2021 lio hma a tuarmi hriamtlai pawl thlopbulnak, nau a pawi liomi fa ngeihter le mipi zohkhenhnak hna a tuah tiah CNO cathanh nih a langhter.
About The Author
