Chin Ramkulh Hluttaw Tonpumhnak Ah MP Dr. Hmuh Thang Nih Biahalnak 5 Le Biatung Pakhat A Chuahpi

Salai Elvis| 2018 January 27| January 25-26 ah tuahmi avoi 11nk Chin ramkulh Hluttaw caanhman tonpumhnak ah Thantlang Pyine Hluttaw MP Dr. Hmuh Thang nih biahalnak 5 le biatung pakhat a chuah pi tiah theih a si.

Biahalnak a ngeihmi chung in: Congthia-Hriphi motor lam kauhchap dingmi ah a herhmi Lineman zoh dingin timhtuahnak nan ngei maw, ngei lo?, Leitak khua leihmun ekah-72 cu cangdonh lei ah thlen piak dingin timhtuahnak nan ngei maw, ngei lo?, Tlam Pha Va ah hlei donhpiak ding timhtuahnak nan ngei maw, ngei lo?, Hakha peng Buanlung khua i luti hor (zi-puun) pa thum caah sing 300 dih in tuah dingmi cu sipin budget in zeitin dah nan tuah ning a si? zeibantuk hnatlaknak indah tuahmi a si.? timi le Hakha sipin Market cu mizei bantuk hnatlakpinak in dah nan sak ter timi hna a si.?  Cu pinah biatung pakhat a chuahpimi cu, Khuate kan tlawnnak ah khuami nih Hluttaw palai sin ah an chim/hal mi pawl hi cozah lei nih papek in nan tuah piak hna awk a si timi a si.

“Khuate lei kan tlawnnak ah mizapi nih an kan halmi kong ka chuahpi tikah an ka lehmi cu kan i zuam ko lai an ka ti, tangka um tikah an ka ti, tukum nan tuah lo hmanh ah aralaimi budget tal ah ti khi ka ti hna. Hakha peng Buanlung hlei donhmi kong le sipin market kong zong biatak tein kan ceihmi a si ko. Ka biahalmi zong tling tein an ka leh ko. Kan tining hna bantukin an kan leh i an tuah tak ahcun kan i lunghmuih ko lai. An tuah lo cun zeiruangah timi biahalnak cu a um than ding a si ko” tiah MP Dr. Hmuh Thang nih TCP ah a chim.

Tutan tonpumhnak ah ramkulh Upadi pakhat remh ding zong aralaimi tonpumhnak ah ceih than te ding in timhtuahnak an ngei tiah theih a si. +++

Leave a Commnet

%d bloggers like this: