Chin ramkulh SAC Chief Minister thar Dr. Vungh Suan Thang a voikhatnak meeting a kai

0

The Chinland Post | 2022 August 24 – Chin ramkulh cozah phu le peng level zung pawl hna rian kong he pehtlai in biaruahnak meeting cu August 23 zinglei ah Hakha khua peng cozah meeting room ah an tuah i SAC nih rian an khinh tharmi Chin ramkulh SAC Chief Minister that Dr. Vungh Suan Thang a kai tiah MRTV nih August 23 zaan sml 8:00pm ah a chim.

Cu meeting cu Chin ramkulh Chief Minister thar a simi Dr. Vungh Suan Thang i a voikhatnak bik meeting a si i Chin ramkulh chung mipi sipuazi caah rampi cozah nih a pekmi 10 billion cungah cinthlaknak, saṭil zuatnak le Mya-sein-yaung project hna ah man ngei tein hman ding tiah biachimnak a ngei.

Chin ramkulh SAC Chief Minister thar Dr. Vungh Suan Thang cu August 19 ah SAC Chief Minister hlun Pu Ngun San Aung hmunhma ah riankhinhmi a si i amah hi ralkap sibawi Lt. Colonel hlun a si i thinlung lei sibawi pakhat a si bantuk in 2015 thimnak ah Tedim peng Pyithu Hluttaw hmunhma in aa rak zuammi USDP party palai hlun a si.

About The Author

Na ruahning rak langhter ve.. (Leave a comment)

%d bloggers like this: