Chinmi telh in phunglut lo Myanmar rammi 21 Malaysia ramri ah an tlaih hna
![](https://i0.wp.com/thechinlandpost.info/wp-content/uploads/2022/10/Malaysia-ramri-ah-tlaihmi-hna_2022-October-3.jpg?fit=640%2C360&ssl=1)
The Chinland Post | 2022 October 5 – Thai in Malaysia ah kal aa tim mi Myanmar rammi 21 cu Thai palek nih October 3 ah Chumphon pengkomh ah an tlaih hna i Uniform hruk in a thli tein a rak lut mi Myanmar rammi 4 zong Ranong khua ah an rak tlaih hna. Tukar hrawng ah phunglut lo Myanmar 300 hrawng an tlaih cang hna tiah theih a si.
Thai ram in Malaysia ah a thli tein luh aa timmi Myanmar rammi hna cu tukar hrawng ah an tlaih lengmang hna.
October 3 ah kum 3 le kum 6 hngakchia telh in Myanmar rammi 21 an rak tlaih hna tiah theih a si.
Anmah hi Myanmar, Chin ramkulh in a raa mi an si i ti lam in Thai ram a rak phan mi an si tiah theih a si.