Chinram ah Taungzatlet Par Le Thinkep Par A Tawh Tu Thongthlak An Si Lai

chokhleirang thinkeppar Taingen an zuarmi/TCP

Salai Bawi Lian Sang| TCP-Kalay| October 24, 2020| Chin ramkulh chung ah Taungzalet par le Thingkep par a tawh tu tlaih in thong thlak  hlei ah tangka cawi liam ter a si lai tiah Chin ram ( Forestry Department) Tupi le thinking saram zoh khemhnak zung nih October 23, 2020 ni ah an chim.

Chin ram Tupi le thinking lei (Forest) Department Director U Kyaw Min Thein nih “ Chin ram ah thinhual chung aa tel mi pangpar ah Taungzalet a sen , aihre le  a rang,Thingkep par a nak le a sen par pawl an si.

Taungalet par cu Chinram aiawh tu  pangpar dawh  asi caah Chin miphun nih an duh ngai mi Miphun cawisangter tu pangpar tiin an zohthla ngai mi a si. Cun, Nihin ah Taungzalet thinking aa zor chin lengmang ruang ah a tu bantuk in pangpar tawh  kan kham nak a si. Forestry Zung nih 2018, May 21 ni thok in pawngkam zohkhen kilvennak Upadi thar kan ser mi a um. Mah upadi ah Thinkung Saram lei pehlai in kan phit mi upadi(3) an um” tiah a chim.

“Pakhatnak kan phit mi cu a phorh tu, a hrawk tu, a zuar tu hna tlaih an si ah cun pawngkam saram zohkhemhnak upadi bantuk in  kum 3 in kum 10 tiang thongthlak hlei ah tangka zong cawi ter in a zi zut an si lai. Chin ram chung Taungzatlet pangpar a tam bik hmun tiah min thangbik tlang ah  Canady tlang, Victoria tlang an si. Canady tlang ah Taungzalet par a ran mi le  Victoria tlang ah cun Taungzatlet a sen le rangmi tlawnpal an par” tiah  U Kyaw Min Thein nih a chim. IPRD/ Hakha

Na ruahning rak langhter ve.. (Leave a comment)

%d bloggers like this: