Chinram Tanghra Phitnak Catlap (Card) Lak Khawh A Si Cang

Salai Ngun San Aung| 2018 February 23| Tukum tanghra phi ding thutnak number a chuah cang caah pengkomh zung ah zoh khawh a si cang i phitnak catlap (Card) zong Hakha high school no. (1), (2), (3) mah le phit cio nak ding ah lak khawh a si cang.

“Kumdang ah cun kanmah sin ah catlap lak a si tawn nain tukum cu anmah le phitnak ding sianginn cio ah lak ding in kan pek hna. Cung lei cozah nih cun phit hlan ni sarih aa duh lawng ah chuah piak ding ti a si nain phit caan he aa naih tuk in chuah piak cu a thlau i a thar in tuah piak a hau mi te hna an um sual ah siangngakchia harnak an tong sual lai i nihin te hin lak a duh mi cu an sianginn cio nih an chuah piak cang ko hna lai” tiah Hakha peng fimcawnnak zung rian tuanmi pakhat nih TCP ah a chim.

Tukum hi ramkomh Myanmar rampi dihlak in March 7 ah phit a si lai. March 7, Cawn nithum a nikhat nak ah- Myanmarsar, March (8)- English, Ni (9) ni- Mathematics, ni 10 le 11 dinh a si lai. Ni (12) ah-Chemistry, Ni (13)- Physics, Ni (14)- Bio/Eco, Ni (15) Pathawui, le Ni (16) ah History tiin a si lai.

High School no. (1) ah Bio pawl roll no. 1-149, High School no. (1) tang ah a um mi Surkhua in Bio roll no. 246 le 247, Chuncung in Bio roll no. 248-249, Dawrthar in Bio roll no. 250-282, Chin Galaxy Bio, roll no. 283-301 le a leng phi ding roll no. 169-470  an si. Hi sianginn paruk in Bio a phi ding minung 374 an si. Eco hi High School no. (1) ah roll no. 701-988, Surkhua roll no. 1182-1209, Chuncung roll. 1210-1218, Dawrthar roll no. 1219-1304, Chin Glaxy roll no. 1305-1332 an si i an dihlak ah minung 439 an si. Pathawyi le History ah High School no. (1) in roll. 2601-1639 le Chin Glaxy in roll no. 2650-2652 an si i an dihlak  52 an si. Subject dihlak fonh ah minung 865 an si.

High School no. (2) Bio le Eco lawng an si lai. Bio ah roll. 150-159, a leng phi mi roll no. 471-629 an dihlak ah  169 le Eco ah roll. 989-1037, a leng phi roll no. 1333-1540 an si an dihlak 257 an si. Subject dihlak fonh ah minung 426 an si.

High School no. (3) ah a phi ding mi, Bio roll no. 160-245, Eco roll no. 1038-1181, a leng phi roo no. 1541-1997 an si. Pathawui le history ah roll no. 2753-2698 an si. Subject dihlak fonh ah 733 an si lai.

Tukum Hakha peng chung ah tanghra a phi ding thutnak number a chuah ning in minung 2024 an si.+++

Na ruahning rak langhter ve.. (Leave a comment)

%d bloggers like this: