Cozah Nih An Tlaihmi Rakhine Mi an Thlah Hna Hnu Ah NLD MP (3) Kan Thlah Ve Lai Tiah AA Nih An Chim

Salai Bawi Lian Sang| TCP-Kalay| October 21, 2020| NLD MP Candidate U Min Aung, Daw Ni Ni May Myint le Daw Chit Chit Chaw hna cu AA hriamtlai bu nih biahal ding a um ruang ah caan karlak kan tlaih hna tiah October 19, 2020 ni ah thawngthanhnak an tuah.

“NLD cozah nih Rakhine ram chung um ramkhel mi hna le ramdeihnak caah lamzawhnak in duhnak alanghter mi hna nan thlah hna si ah cun a tu kan tlaihmi NLD Candidate (3) kan thlah ve lai tiah AA nih an chim. AA hriamtlai bu kong ah harnak le hnahnawhnak a chuah pi tu MP cheukhat zong bia halnak kan ngeih hnu ah kan thlah ton ko” tiah AA Chimrelnak nawlngei Khine Tuh Khah nih an chim.

“Taunggoke peng Pyine hluttaw No.2 MP U Min Aung, Pyituh hluttaw hluttaw MP Daw Ni Ni May Myint le Amyotha hluttaw MP Candidate Daw Chit Chit Chaw hna cu October 14 ni zing lei caan ah Taungkoh peng in meng(15) aa hlatnak Phawngku khua te ah Party lemsoi an kal I party chungtuan inn ah rawl an ei lio ah an tlaih hna” tiah U Tin Thein Aung nih Myanmar now ah a chim.

U Min Aung hi Rakhine ram Sipin minister hlun a rak tuanbal mi a si. Daw Ni Ni May Myint zong Pyituhhluttaw hluttaw MP an tuan lio mi a si.

“Raldohnak a um lo nak Rakhine ram, Pauktaw peng le peng dang ah thimnak tuah lo ding an ti. NLD nih teinak kan hmuh lai an ruat mi Paletwa peng raldohnak le buainak hmu ah cun thimnak kan tuah ko lai tiah an ti mi hi ruatawk a um ko tiah AA hriamtlaibu lei biachimnak nawl Khine Tuh Khah nih a chim.

Rampi election commission zung nih October 16, 2020 thawngthanhnak ah Rakhine ramkulh peng(9) ah thimnak an tuah kho lai lo tiah a chim. Mah peng(9) ah Pyine hluttaw Me sandah ne( 18) le Amyotha hluttaw hmun(7) ah thimnak an tuah kho lai lo. Cun thinfung tuah kho lo ding Pyine hluttaw hmun(3) an chap than caah Pyine hluttaw hmun (21) ah thimfung an thla kho lai lo ti nak a si. Cucaah Rakhine ramkulh chung hmuncheu thluk thimfung thlak kho lo hi a thatlonak lam a panh caah Rakhine ram caah thinphan dai lo a si ko tiah tulio Rakhine ram hluttaw Speaker U San HLah Kyaw nih a chim.

2015 kum Democracy thimnak ah Rakhine ramkulh chung Ralkap hluttaw telh in Hluttaw MP (47) an rak um. Nihin 2020 thimnak ah hluttaw MP (20) lawng thima si lai tiah San Hlah Kyaw nih a chim chap.

UEC nih cun, Rakhine ramkulh peng (9) le a dang peng(4) chungtel khuapi chungum sang(15), le Khuate(137), Shan ramkulh peng (7) le a dang peng(16) chungtel khuapi chungum sang(8) le khuate (133), Kachin ramkulh peng (11) chungum khuate (192), Karen ramkulh peng(6) le khuate (53), Bagu ramthen peng(2)chungum khuate(42), Mon ramkulh Bilin peng in khuate (1) cu 2020 thimnak ah an I tel kho lai lo tiah (UEC) nih thawngthanhnak a tuah. Ref: Myanmar Now/ DVB TV news/