Dawei Peng, Phayarme Gate Kahdohnak Ah SAC Ralkap 2 An Thi
The Chinland Post | 2023 September 13 — Taninthary ramṭhen, Dawei peng ah a um mi SAC ralkap Phayarme gate cu PDF phu pawl nih an kah hna i SAC ralkap 2 an thi tiah theih a si.
September 11 chun sml 2:30pm hrawng ah Dawei peng ah a um mi SAC ralkap phayarme gate cu DGRF Company 2 le U-Aw Column nih Sniper in an kah hna tiah Maung Media nih a langhter.
Kahdohnak chung ah, gate pawng aa chawk mi SAC ralkap 3 cu sniper in an kah hna i 2 cu a hmun ah an thi, dothlennak phu pawl nih 79 hriamngan lung 1, 80MM lung 3 in gate chung an kah chap hna tiah theih a si.
