Demoso peng kahdohnak ah KNDF hriamtlai 3 an nunnak a liam
The Chinland Post | 2022 December 12 – Demoso peng, Puhpa khua kahdohnak ah KNDF hriamtlai 3 an nunnak a liam tiah KNDF B06 nih December 11 ah a thanh.
A nunnak a liam mi hriamtlai Steven, Da Wei Maung Nge le J Nay Oo hna cu December 7 ah a chuak mi Puhpa khua kahdohnak ah an nunnak a liam hi a si tiah a langhter.
Hriamtlai Steven, Da Wei Maung le J Nay Oo hna an nunnak a liam cu KNDF caah sunghnak nganpi a si leng ah KNDF B06 nih paralṭha hna tiah upatnak sang bik kan pek hna i an min cazin kan khumh cang hna tiah an thanh.
Atutiang Puhpa, Thesulay le Konetha khua pawng ah SAC ralkap le Karenni phufonh hna karlah kahdohnak a fak rih tiah thawng theih a si.
About The Author
