Falam Hrambunh Palek Sakhaan In Palek 5 CNDF Sin Ah An Zaam
The Chinland Post | 2023 November 17 — Chin ramkulh chaklei, Falam khua hrambunh ralkap kuttang palek sakhaan in palek Sergeant 2 telh in palek 5 cu November 14 ah CNDF sin ah CDM an tuah tiah theih a si.
CNDF sin ah a zaam mi palek Sergeant 2 hna cu Hlawn Kulh, Cung Ngun Sang hna an si i adang 3 hna hi Corporal Bawi Tin Thang, Suh Khan Paing, Thawng Ngun Thang hna an si.
Sergeant 2 hi Falam khua sizung pi a hngak mi an si i anmah he aa pehtlai mi minung pawl kha ralkap nih an tlaih hna caah atu lawng ah an zaam khawh hi a si tiah aa naihniam mi hna nih The Rili Voice ah an chim.
A rak zaam mi palek 5 hna cu himnak hmun ah an kuat hna tiah theih a si.
About The Author
