June 22, 2024

Falam khua kahdohnak lio ah an tlaih mi hna chung in 18 an thlah cang hna, 5 an tang

0

The Chinland Post | 2023 January 20 – Chin ramkulh, Falam khua, No. 1 B.E.H.S tual chung ah hmunhma a khuar mi SAC chungtel pawl CNA nih ah kah hna lio ah SAC ralkap nih an tlaih mi hna chung in minung 18 cu January 19 zaan ah an thlah cang hna i 5 an taang rih tiah thawng theih a si.

“Kahdoh a cannak sang he aa hlat mi minung 18 cu an thlah cang hna. Minung 5 an tang rih, an nih hi kahdohnak hmunhma he aa naih tein a um mi inngeitu pawl an si. Bia an hal len lio hna a si” tiah Falam khuami pakhat nih Khonumthung Burmese ah a chim.

Kahdohnak hi January 18 zaanlei ah Falam khua, Farthawk sang, sianginn ṭum caan ah a chuak i siahngakchia 1 aa hliam leng ah sang chung mi 24 an tlaih hna i a tam deuh hi mino an si tiah theih a si. An tlaih hna zaan ah pakhat cu an thlah colh tiah theih a si.

A tang mi minung 5 hi biahal ding a um rih caah Falam khua palek sakhaan ah an hren rih hna tiah theih a si.

About The Author

Na ruahning rak langhter ve.. (Leave a comment)