Falam Khua Pawng SAC Ralkap Sakhaan CNDF Nih An Lak, SAC Ralkap 14 An Thi, 11 An Tlaih Hna
The Chinland Post | 2023 April 10 — Chin ramkulh, Falam khua pawng ah a um mi SAC ralkap, Var sakhaan cu CNDF nih April 9 ah an kah i an lak khawh leng ah SAC ralkap 14 an thi, 11 an in tlaih hna tiah theih a si.
April 9 zinglei sml 5:00am hrawng ah CNDF nih an i relh lo kar ah an kah hna i sml 1 leng kahdohnak a chuah hnu ah an lak khawh i hriam tampi zong an lak khawh hi a si.
Kalay-Falam lamcung, Manipura tiva kam ah a um mi vaar khuate ah thazang 30 hrawng in hmunhma a khuar mi SAC ralkap pawl nih khualtlawng mipi pawl le khuami harnak an pek hna caah an kah hna hi a si tiah theih a si.
Kahdohnak chung ah CNDF hriamtlai 1 a nunnak a liam ve tiah theih a si.
Cun Var khuami Pu Hram Hu (kum 49) zong kuan nih a khen caah a nunnak a liam i khuami dihlak zong himnak hmun ah an zaam tiah theih a si.
About The Author
