Falam peng ah hngakchia nute telh in minung 2 bomrap an i lamh sual
The Chinland Post | 2022 August 8 – Chin ramkulh, Falam peng, India-Myanmar ramri, Rihkhawdar khua ah a ummi SAC ralkap sakhaan pawng August 6 zinglei ah bomrap i lamh sual nakin kum 2 hngakchia nute pakhat le upa pakhat an i hliam tiah thawng theih a si.
“Zunnte zung ding in lam kam ah cycle an dirter i zunnte an kal lioah bomrap an i lamh sual hi a si” tiah khuami nih DVB ah an chim.
Falam peng Rihkhawdar khua ah thil an zuar dih hnu an kirlei lam ah bom a puah hi a si i an hliamhma a fak tuk lo nain an thi chuakmi a tam tiah aa naihniammi nih an chim.
Bom a puah hnuah SAC ralkap nih methal an puah thlorh nain minung a khenmi an um lo tiah theih a si.
About The Author
