Falam SAC LIB 268 Kahdohnak Ah SAC Ralkap 6 An Thi, Hriam Cheukhat An Lak Khawh
The Chinland Post | 2023 August 12 — Chin ramkulh, Falam hrambunh, SAC LIB 268 kahdohnak ah SAC ralkap 6 an thi i hriam cheukhat zong an lak khawh tiah theih a si.
August 12 zinglei sml 1:00am in 4:00am tiang sml 3 chung Falam hrambunh SAC LIB 268 kahdohnak ah SAC ralkap 6 an thi i hriam cheukhat zong an lak khawh tiah theih a si.
Sml 3 hrawng kahdohnak chung ah SAC ralkap 6 an thi i SAC hriam cheukhat CNA phufonh nih an lak khawh.
CNA, CDF-KKG hna bawm in Falam hrambunh SAC LIB 268 an kah hi a si i CDF-KKG hriamtlai 1 nih ram le miphun caah a nunnak a pek.
Kahdohnak a chuah dih hnu August 12 chun sml 11:00am hrawng ah SAC Jet nih Ramthlo khua ah bom a thlak i Ramthlo Baptist Biakinn inn a rawk i mipi 7 an i hliam tiah tualchung thawgzamh pawl langhter mi le khuami hna chimnak in thawng kan theih.
About The Author
